ನಿರ್ಧಾರ

🌻ಎಂ ಶಾಂತಪ್ಪ ಬಳ್ಳಾರಿ 🌻

       *ನಿರ್ಧಾರ*

ನಮ್ಮ ಜೀವನದ ಬಹುಪಾಲು ಕ್ಷಣಗಳು ನಿರ್ಧಾರಗಳನ್ನೇ ಆಧರಿಸಿಕೊಂಡಿರುತ್ತವೆ. ಯಾವಾಗ ಏನು ತೀರ್ಮಾನಿಸಬೇಕು ಎಂಬುದು ನಮಗೆಲ್ಲ ಸಮಯೋಚಿತವಾದ ಪ್ರಶ್ನೆ. "ಮನೆಯವರು ಮದುವೆ ಆಗು ಎಂದು ಒತ್ತಾಯಿಸುತ್ತಿದ್ದಾರೆ. ಆದರೆ ಯಾರನ್ನು ಮದುವೆಯಾಗಲಿ?" ಅಥವಾ "ಪಿಯುಸಿ ಮುಗಿದಿದೆ, ಯಾವ ಕೋರ್ಸ್ ತೆಗೆದುಕೊಳ್ಳುವುದು?" ಎಂಬಂತ ವಿಷಯಗಳಲ್ಲಿ ನಿರ್ಧಾರ ತೆಗೆದುಕೊಳ್ಳುವುದು ಸುಲಭವಲ್ಲ. ಕೆಲವೊಮ್ಮೆ ಹೆಚ್ಚು ಹಣ ಸಂಪಾದಿಸಬೇಕೆಂದು ನಿರ್ಧರಿಸಿ, ಯಾವ ಬಿಸಿನೆಸ್ ಮಾಡುವುದು ಎಂಬ ಗೊಂದಲದಲ್ಲಿ ನಾವು ಸಿಲುಕುತ್ತೇವೆ. ಈ ಎಲ್ಲ ಸಂದರ್ಭಗಳು ನಮ್ಮ ತಾಳ್ಮೆ, ವಿವೇಕ ಮತ್ತು ಪರಿಶೀಲನೆಗಳ ಪರೀಕ್ಷೆಯಾಗಿದೆ.

ನಾವು ಕಾರು ಖರೀದಿಸುವ ನಿರ್ಧಾರಕ್ಕೆ ಬರುವ ಸಂದರ್ಭದಲ್ಲಿ, ಹಲವು ಅಂಶಗಳನ್ನು ಪರಿಗಣಿಸಬೇಕಾಗುತ್ತದೆ. ಉದಾಹರಣೆಗೆ, ಮನೆಗೆ ಡ್ರೈವರ್ ಸೇರಿಸಿ ಆರು ಜನರು ಇದ್ದರೂ ಪ್ರತಿಯೊಬ್ಬರೂ ಡ್ರೈವಿಂಗ್ ಮಾಡಲು ಸಾಮರ್ಥ್ಯ ಹೊಂದಿರುವುದನ್ನು ಗಮನಿಸಿದಾಗ, ಏಳು ಸೀಟಿನ ಕಾರಿನ ಅಗತ್ಯವಿದೆಯೆ ಎಂಬ ಪ್ರಶ್ನೆ ಉದಯವಾಗುತ್ತದೆ. ಇದರೊಂದಿಗೆ, ನಾವು ಆರಂಭದಲ್ಲಿ ಇಟ್ಟುಕೊಂಡಿದ್ದ ಷರತ್ತುಗಳನ್ನು ಮತ್ತೆ ಪರಿಶೀಲಿಸುತ್ತೇವೆ.

ಹೆಚ್ಚು ಸೀಟುಗಳ ಕಾರು ಎಂದರೆ ಬಹುಸಾ ಪಾರ್ಕಿಂಗ್ ಸಮಸ್ಯೆ ಉಂಟಾಗಬಹುದು ಎಂಬ ಚಿಂತೆ, ಮತ್ತು ಸಾಮಾನ್ಯವಾಗಿ ಪ್ರಯಾಣ ಮಾಡುವವರ ಸಂಖ್ಯೆ ಕಡಿಮೆ ಎಂಬ ವಾಸ್ತವ್ಯವನ್ನು ಆಧಾರವಾಗಿಟ್ಟುಕೊಂಡು, ಐದು ಸೀಟುಗಳ ಕಾರು ಸಾಕು ಎಂಬ ತೀರ್ಮಾನಕ್ಕೆ ಬರುವುದು ಸಹಜ. ಆದರೆ, ತಕ್ಷಣವೇ ಬ್ರಾಂಡ್ ಆಯ್ಕೆ ಮಾಡುವುದು ಸುಲಭವಲ್ಲ. ಒಂದರ ವಿನ್ಯಾಸ ಆಕರ್ಷಣೀಯ, ಮತ್ತೊಂದರ ಫೀಚರ್ ಗಳು ಮೆಚ್ಚುಗೆಗೆ ಪಾತ್ರವಾಗುವಂತಹವು. ಕೊನೆಗೆ, ಮನಸ್ಸಿಗೆ ಹತ್ತಿರವಿರುವ ಕಾರನ್ನೇ ಆಯ್ಕೆ ಮಾಡಲಾಗುತ್ತದೆ.

ಬಣ್ಣದ ವಿಷಯದಲ್ಲಿಯೂ ಗೊಂದಲ ನಿರ್ಮಾಣವಾಗುತ್ತದೆ. ಕೊನೆಗೆ ಬೂದು ಬಣ್ಣವನ್ನು ಆಯ್ಕೆ ಮಾಡಲಾಗುತ್ತದೆ. ಆದರೆ ಕಾರು ಮನೆಗೆ ಬಂದ ನಂತರ ಕಸಿನ್, "ಬೂದು ಯಾಕೆ? ಕಪ್ಪು ತಗೋಬೇಕಿತ್ತು!" ಎಂದು ಪ್ರಶ್ನಿಸಿದಾಗ, ಒಂದು ಸತ್ಯ ಅರಿವಿಗೆ ಬರುತ್ತದೆ — ನಿರ್ಧಾರ ತೆಗೆದುಕೊಂಡ ನಂತರ ಅದನ್ನು ಹಿಂತೆಗೆಯುವುದು ಅರ್ಥವಿಲ್ಲ. ನಿರ್ಧಾರದ ಮೇಲೆ ನಿಷ್ಠೆಯಿಂದ ನಿಲ್ಲುವುದು ಮುಖ್ಯ

ಈ ಅನುಭವಗಳಿಂದ ಒಂದು ಪಾಠ — ಯಾವುದೇ ನಿರ್ಧಾರವನ್ನು ತೆಗೆದುಕೊಳ್ಳುವಾಗ ಸಂಪೂರ್ಣ ಮಾಹಿತಿಯ ಜತೆಗೆ ನೈಜ ಅಗತ್ಯ ಮತ್ತು ಲಭ್ಯವಿರುವ ಆಯ್ಕೆಗಳನ್ನು ಪರಿಶೀಲಿಸಿ ತೀರ್ಮಾನಿಸಬೇಕು. ನಿರ್ಧಾರಗಳ ಮೇಲೆ ನಂಬಿಕೆ ಇಟ್ಟು ಮುಂದಕ್ಕೆ ಹೆಜ್ಜೆ ಇಡೋಣ.

*ನಿರ್ಧಾರಗಳು: ಸ್ಪಷ್ಟತೆ, ನಂಬಿಕೆ ಮತ್ತು ಬದ್ಧತೆ*

ನಾವು ಒಮ್ಮೆ ನಿರ್ಧಾರ ತೆಗೆದುಕೊಂಡ ಬಳಿಕ ಅದರ ಬಗ್ಗೆ ಮತ್ತೆ ಮತ್ತೆ ತಲೆ ಕೆಡಿಸಿಕೊಳ್ಳುವುದರಲ್ಲಿ ಯಾವುದೇ ಅರ್ಥವಿಲ್ಲ. ನಿರ್ಧಾರವನ್ನೆ ತಾನೆ ತೆಗೆದುಕೊಳ್ಳೋದು ಒಂದು ಪ್ರಕ್ರಿಯೆ. ಈ ಪ್ರಕ್ರಿಯೆ ಎಷ್ಟರ ಮಟ್ಟಿಗೆ ಸ್ಪಷ್ಟವಾಗಿರುತ್ತದೋ, ನಮ್ಮ ಮುಂದಿನ ಜೀವನವೂ ಅಷ್ಟರ ಮಟ್ಟಿಗೆ ಸಮತೋಲನದಲ್ಲಿರುತ್ತದೆ. ಈ ಕಾರಣದಿಂದಾಗಿ, ನಾವು ನಿರ್ಧಾರ ತೆಗೆದುಕೊಳ್ಳುವಾಗ ಈ ಹಂತಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು:

1. *ಸ್ಪಷ್ಟತೆ* : ಮೊದಲಿಗೆ, ನಾವು ಏನು ಬೇಕು, ಏನು ಬೇಡ, ಯಾವ ಷರತ್ತುಗಳನ್ನು ನಾವು ಒಪ್ಪಿಕೊಳ್ಳುತ್ತೇವೆ ಅನ್ನುವುದರ ಬಗ್ಗೆ ಸ್ಪಷ್ಟತೆ ಇರಬೇಕು.

2. *ಆಯ್ಕೆಗಳ ವಿವರ:* ನಮ್ಮ ಮುಂದಿರುವ ಆಯ್ಕೆಗಳ ಬಗ್ಗೆ ಮಾಹಿತಿ ಪಡೆದುಕೊಳ್ಳಬೇಕು. ಹತ್ತಾರು ಆಯ್ಕೆಗಳಲ್ಲಿ ಗೊಂದಲಗೊಳ್ಳುವುದನ್ನು ಬಿಟ್ಟು, ಎರಡು ಮೂರು ಆಯ್ಕೆಗಳಿಗೆ ಇಳಿಯಬೇಕು. ಅಲ್ಲಿ ಯಾವ ಆಯ್ಕೆ ನನ್ನ ಅಗತ್ಯಗಳಿಗೆ 90% ಹೊಂದಿಕೊಳ್ಳುತ್ತದೆಯೋ ಅದನ್ನು ಆರಿಸಬೇಕು. 100% ಪೂರ್ತಿತನದ ನಿರೀಕ್ಷೆ ಪ್ರಾಯೋಗಿಕವಲ್ಲ.

3. *ಹೃದಯದ ಮಾತು* : ಕೆಲವೊಮ್ಮೆ ಲಾಜಿಕ್ ಎಲ್ಲವನ್ನು ಹೇಳಲ್ಲ. ಎರಡು ಆಯ್ಕೆಗಳ ನಡುವೆ ಗೊಂದಲವಿದ್ದರೆ, ನಿಮ್ಮ ಹೃದಯವನ್ನು ಕೇಳಿ. ಯಾವ ಆಯ್ಕೆ ನಿಮ್ಮ ಮನಸ್ಸಿಗೆ ತೃಪ್ತಿ ನೀಡುತ್ತದೆಯೋ, ಅದು ಸರಿಯಾದ ಆಯ್ಕೆ ಆಗಿರಬಹುದು.

4. *ಪರಿಣಿತರ ಸಲಹೆ:* ಸಾಧ್ಯವಾದರೆ, ಅನುಭವಿಗಳ ಸಲಹೆ ಪಡೆದುಕೊಳ್ಳಿ. ಅವರು ನೋಡಿದ ಜೀವನದ ಪಾಠಗಳು, ನಿಮ್ಮ ತಪ್ಪುಗಳನ್ನು ತಪ್ಪಿಸಬಹುದು.

5. *ಬದ್ಧತೆ* : ಒಮ್ಮೆ ನಿರ್ಧಾರ ಮಾಡಿದ ಮೇಲೆ, ಅದರಲ್ಲಿ ಗೊಂದಲ ಪಡದೇ ಬದ್ಧರಾಗಿರಿ. ನಿರ್ಧಾರಕ್ಕೆ ಮುನ್ನ ಎಷ್ಟು ಯೋಚನೆ ಬೇಕಾದರೂ ಮಾಡಿ. ಆದರೆ ನಿರ್ಧಾರವಾದ ಮೇಲೆ ಗಟ್ಟಿ ನಿಲುವು ಅಗತ್ಯ.

ಯಾವುದೇ ನಿರ್ಧಾರ 'ಸರಿಯೆ?', 'ತಪ್ಪಲ್ಲವೇ?' ಅನ್ನುವುದರ ಸ್ಪಷ್ಟ ಉತ್ತರ ಎಲ್ಲದಕ್ಕೂ ಇರದು. ಆದರೆ ನಾವು ನಿರ್ಧಾರ ತೆಗೆದುಕೊಂಡ ಮೇಲೆ ಅದು ನಮ್ಮದಾಗಿದೆ ಎಂದು ಒಪ್ಪಿಕೊಂಡು ಅದರ ಜೊತೆ ನಿಂತುಕೊಂಡರೆ, ಆ ನಿರ್ಧಾರವೇ ಸರಿಯಾದಂತೆ ಅನಿಸಬಹುದು.

ಒಂದು ವಿಚಾರ ಗಮನದಲ್ಲಿರಲಿ — ಗಾಡಿ ಇಷ್ಟವಾಗದಿದ್ದರೆ ಮಾರಬಹುದು. ಆದರೆ ಮದುವೆ, ಶಿಕ್ಷಣದಂತಹ ಕೆಲವು ನಿರ್ಧಾರಗಳು ಬದಲಾವಣೆ ಮಾಡಲು ಸುಲಭವಲ್ಲ. ಹೀಗಾಗಿ ಅಂತಹ ನಿರ್ಧಾರಗಳನ್ನು ತಿನ್ನೋ ಮೊದಲೇ ಹೆಚ್ಚು ಯೋಚನೆ, ಸ್ಪಷ್ಟತೆ ಮತ್ತು ಬುದ್ಧಿವಂತಿಕೆಯ ಅಗತ್ಯವಿದೆ.

ಪರಸ್ಪರ ನಿರಂತರ