🌻ಎಂ ಶಾಂತಪ್ಪ ಬಳ್ಳಾರಿ 🌻
" *ಮುಂದೆ ಹೋಗು, ನೀನು ಅದನ್ನು ಸಾಧಿಸುವ ಶಕ್ತಿ ಹೊಂದಿದ್ದೀಯ!"*
*ನಿತ್ಯ ಬೆಳಿಗ್ಗೆ ಏಳುವ ಶಕ್ತಿ:*
ಪ್ರತಿ ಬೆಳಿಗ್ಗೆಯೂ ನಮ್ಮನ್ನು ಹಾಸಿಗೆಯಿಂದ ಎಚ್ಚರಿಸಿ ನಡಿಗೆಯಿಟ್ಟಿಸುವ ಶಕ್ತಿ ಯಾವುದು? ಅದು ಕೇವಲ ಗಡಿಯಾರದ ಅಲಾರ್ಮ್ ಅಲ್ಲ, ಮನಸ್ಸಿನ ಆಳದಲ್ಲಿ ಇದ್ದ ಕನಸು, ಬದ್ಧತೆ, ಮತ್ತು ಬದುಕು ರೂಪಿಸುವ ಆಶಯ. ನಮಗೆಲ್ಲಾ ಪ್ರೇರಣೆಯ ಅವಶ್ಯಕತೆ ಇದೆ. ಆದರೆ ಆ ಪ್ರೇರಣೆಯ ಮೂಲ ತಿಳಿದಾಗ ನಾವು ಇನ್ನಷ್ಟು ಸ್ಪಷ್ಟವಾಗಿ, ದಿಟ್ಟವಾಗಿ ನಮ್ಮ ಗುರಿಯತ್ತ ಸಾಗಬಹುದು.
ಬೇರೆಯವರ ಯಶಸ್ಸನ್ನು ನಕಲು ಮಾಡುವುದು ಅವಶ್ಯಕವಿಲ್ಲ. ಆದರೆ ಅವರಿಂದ ಪ್ರೇರಣೆ ಪಡೆದು ನಮ್ಮ ಮಾರ್ಗವನ್ನು ತಲುಪುವುದು ತಪ್ಪಲ್ಲ. ಈ ಹಿನ್ನಲೆಯಲ್ಲಿ, ನಾನು ತುಂಬಾ ಮೆಚ್ಚಿದ ಕೆಲವು ಮಹನೀಯ ಸಾಧಕರ ಬದುಕು ನಿಮಗೆ ಇಂಗಿತವಾಗಲಿ ಎಂದು ಇಲ್ಲಿ ಹಂಚಿಕೊಳ್ಳುತ್ತಿದ್ದೇನೆ. ಇವರು ಸೆಲ್ಫ್-ಮೇಡ್ ಸಾಧಕರು. ಅವರ ಸಾಧನೆಗಳು ನಮ್ಮೊಳಗಿನ ಶಕ್ತಿಯನ್ನು ಮರುಜಾಗೃತಗೊಳಿಸಲು ಸಾಕು. ನಿಮ್ಮ ಅಂತರಾಳದ ಕನಸುಗಳಿಗೆ ಹೊಸ ಬಲ ನೀಡಲಿ ಎಂಬ ಆಶಯದೊಂದಿಗೆ...
1. *ನಾರಾಯಣ ಮೂರ್ತಿ:*
* ಇವರ ಹೆಸರು ಕೇಳದವರು ಬಹುಶಃ ಕಡಿಮೆ. ಕೈಯಲ್ಲಿ ನಯಾಪೈಸೆ ಇರದಿದ್ದರೂ, ಕಣ್ಣಲ್ಲಿ ತುಂಬಾ ಕನಸುಗಳು ಮತ್ತು ತಲೆತುಂಬಾ ಹೊಸ ಐಡಿಯಾಗಳು ಇವರ ನಿಜವಾದ ಬಂಡವಾಳವಾಗಿತ್ತು. "ಹೊಸತನ್ನು ಮಾಡಲು ಹಿಂಜರಿಯಬೇಡಿ, ಹೊಸದಕ್ಕೆ ಸನ್ನದ್ಧರಾಗಿರಿ" ಎಂಬ ಸಂದೇಶವನ್ನು ಅವರು ತಮ್ಮ ಜೀವನದ ಮೂಲಕವೇ ಸಾಬೀತುಪಡಿಸಿದ್ದಾರೆ.
* ಅವರು ಮುಂದಾದ ಕಾಲದಲ್ಲಿ ಕಂಪ್ಯೂಟರ್ ಎಂದರೆ ಏನೋ ಗೊತ್ತಿಲ್ಲದ ಕಾಲ. ಇತರೆವರು ಬೆದರಿದ ದಾರಿಯನ್ನು ಅವರು ಧೈರ್ಯವಾಗಿ ಹೆಜ್ಜೆಹಾಕಿದರು — ‘ಲೆಸ್ ಟ್ರಾವೆಲ್ಡ್ ಪಾಥ್’ ಆಯ್ಕೆ ಮಾಡಿಕೊಂಡರು. ಇದು ಸವಾಲುಗಳಿಂದ ಕೂಡಿತ್ತು, ಆದರೆ ಅವರ ದೃಢನಿಶ್ಚಯ, ಕಠಿಣ ಪರಿಶ್ರಮ ಮತ್ತು ದೂರದೃಷ್ಟಿಯ ಕಾರಣದಿಂದ ಅವರು ಯಶಸ್ಸು ಕಂಡರು. ಇಂದಿನ ಇನ್‌ಫೋಸಿಸ್ ಎಂಬ ಅಂತರರಾಷ್ಟ್ರೀಯ ಮಟ್ಟದ ಕಂಪನಿಯ ಸ್ಥಾಪನೆಯ ಹಿಂದೆ ಅವರಂತಹ ದೃಷ್ಟಿಕೋನವೇ ಕಾರಣ.
2. *ದಿಲೀಪ್ ಸಾಂಗ್ಲಿ:*
* ಗುಜರಾತಿನ ಪುಟ್ಟ ಹಳ್ಳಿಯಲ್ಲಿ ಜನಿಸಿದ ದಿಲೀಪ್ ಸಾಂಗ್ಲಿ ತಮ್ಮ ಉದ್ಯಮ ಬದುಕನ್ನು ಜೆನೆರಿಕ್ ಔಷಧಗಳ ವಿತರಣೆ (ಡಿಸ್ಟ್ರಿಬ್ಯೂಷನ್) ವ್ಯಾಪಾರದ ಮೂಲಕ ಆರಂಭಿಸಿದರು. ಆ ವ್ಯಾಪಾರದಿಂದ ಉಳಿತಾಯವಾದ ಹಣವನ್ನು ಸಮರ್ಥವಾಗಿ ಉಪಯೋಗಿಸಿ, ಅವರು ಮೆಡಿಸಿನ್ ಉತ್ಪಾದನಾ ಘಟಕವನ್ನು ಸ್ಥಾಪಿಸಿದರು. ಇದರ ಮುಂದಿನ ಹಂತವಾಗಿ, ಅವರು ಅಮೆರಿಕಾದಲ್ಲಿ ನಷ್ಟದಲ್ಲಿದ್ದ ಒಂದು ಫಾರ್ಮಾ ಕಂಪನಿಯನ್ನು ಖರೀದಿಸಿ, ತಮ್ಮ ಸಂಸ್ಥೆಗೆ ಜಾಗತಿಕ ಪಾಠಿಯಾಗಿ ಗುರುತನ್ನು ನೀಡಿದರು.
* ಇಂದು ‘ಸನ್ ಫಾರ್ಮಾ’ ಹೆಸರನ್ನು ಕೇಳದವರು ವಿರಳ. ಫಾರ್ಮಾ ಕ್ಷೇತ್ರದಲ್ಲಿಯೇ ಅಲ್ಲ, ಸಮಗ್ರ ಉದ್ಯಮ ಲೋಕದಲ್ಲಿಯೂ ಅವರು ತಮ್ಮದೇ ಆದ ಶೈಲಿಯಲ್ಲಿ ದಕ್ಷಿಣಾ ಮೂರೆ ಕಟ್ಟಿದ್ದಾರೆ. ಸಮಾಜದಲ್ಲಿ ನಡೆಯುತ್ತಿರುವ ಬದಲಾವಣೆಗಳನ್ನು ಅವರು ಕಣ್ಣಿನಿಂದ ಪಾರು ಮಾಡಿದ್ದಾರೆ ಮಾತ್ರವಲ್ಲ, ತಕ್ಷಣದ ಸ್ಪಂದನೆಯಿಂದ ತಮ್ಮ ಸಂಸ್ಥೆಯನ್ನು ಹೊಸ ದಿಕ್ಕಿನಲ್ಲಿ ಮುನ್ನಡೆಸುವಲ್ಲಿ ಯಶಸ್ವಿಯಾಗಿದ್ದಾರೆ. ಇದು ಅವರ ಗೆಲುವಿನ ಅಡಿತಡಿಯಾಗಿದ್ದು, ಹೊಸ ಪೀಳಿಗೆ ಉದ್ಯಮಿಗಳಿಗೆ ಪ್ರೇರಣೆಯಾಗಿದೆ.
3. *ಲೀ ಕ ಶಿಂಗ್:*
* ಈ ಪುಸ್ತಕದಲ್ಲಿ ಇವರ ಉಲ್ಲೇಖವನ್ನು ಈಗಾಗಲೇ ಹಲವಾರು ಬಾರಿ ಮಾಡಿದ್ದೇನೆ. ಕೈಯಲ್ಲಿ ಕಾಸಿಲ್ಲದ ಸಮಯದಲ್ಲಿ ಆದಾಯದ ಕೇವಲ 30%ರಲ್ಲಿ ಬದುಕು ಕಟ್ಟಿಕೊಂಡ ವ್ಯಕ್ತಿ ಇವರು. ಅದು ಕೇವಲ ಉಪದೇಶವಲ್ಲ — ಬದುಕಿ ತೋರಿಸಿದ ನಿಜವಾದ ಕಥೆ.
* ಹಾಂಗ್ ಕಾಂಗ್ ಮೂಲದ ಲೀ, ಇತ್ತೀಚೆಗಿನ 95ರ ಹರೆಯದವರು. ವಯಸ್ಸು ಕೇವಲ 15ರಲ್ಲಿ ತಂದೆಯನ್ನು ಕಳೆದುಕೊಂಡರು. ಶಾಲೆಯನ್ನು ಬಿಟ್ಟು, ಬದುಕಿಗಾಗಿ ಕೆಲಸಕ್ಕೆ ಕೈ ಹಾಕಿದರು. ಪ್ರತಿದಿನವೂ 16 ಗಂಟೆಗಳವರೆಗೆ ದುಡಿದರು. ಆದಾಯ ಕೇವಲ ₹100. ಆದರೆ ಅದರಲ್ಲೂ ₹20ನ್ನು ಭವಿಷ್ಯದ ನೆಟ್‌ವರ್ಕ್ ನಿರ್ಮಾಣಕ್ಕೆ ಮೀಸಲಿಟ್ಟ ಧೈರ್ಯಶಾಲಿ.
* ಇಂದು ಜಾಗತಿಕವಾಗಿ 33ನೇ ಅತಿ ದೊಡ್ಡ ಉದ್ಯಮಿಗಳ ಪೈಕಿ ಒಬ್ಬರು. ಅವರು ತೋರಿಸಿದ ಬದುಕಿನ ದಾರಿ ಕೇವಲ ಶ್ರೀಮಂತಿಕೆಗೆಲ್ಲವಲ್ಲ — ಅದನ್ನು ಸಾಧಿಸುವ ಛಲ, ಶಿಸ್ತು, ದೃಢನಿಶ್ಚಯಕ್ಕೆ ಸಾಕ್ಷಿ.
4. *ವಾರೆನ್ ಬಫೆಟ್* :
* ಹೂಡಿಕೆ ಪಿತಾಮಹ ಎನ್ನುವ ಹೆಸರು ಗಳಿಸಿಕೊಂಡಿರುವ ಇವರು ಇಂದಿಗೂ ಅದೇ ಮನೆಯಲ್ಲಿ, ಅದೇ ಸರಳ ಜೀವನ ಜೀವಿಸುತ್ತಿದ್ದಾರೆ. ವ್ಯಾಲ್ಯೂ ಇನ್ವೆಸ್ಟ್ಮೆಂಟ್ ಎಂದರೇನು ಎನ್ನುವುದನ್ನು ಸಶಕ್ತವಾಗಿ ಜಗತ್ತಿಗೆ ತೋರಿಸಿಕೊಟ್ಟವರು. ಇವರು ಹೂಡಿಕೆ ಶುರು ಮಾಡಿದಾಗ ಇವರ ಬಳಿ ಕೋಟ್ಯಂತರ ಬಂಡವಾಳವೇನು ಇರಲಿಲ್ಲ ಎನ್ನುವುದನ್ನು ಗಮನಿಸಬೇಕು.
5. *ದೇಶ್ ಬಂಧು ಗುಪ್ತಾ:*
* ಬಿಟ್ಸ್ ಪಿಲಾನಿಯಲ್ಲಿ ಅಸೋಸಿಯೇಟ್ ಪ್ರೊಫೆಸರ್ ಆಗಿ ಕೆಲಸ ಆರಂಭಿಸಿದ ಇವರು 45 ಸಾವಿರ ಕೋಟಿ ಸಂಪತ್ತಿನ ಮಾಲೀಕರಾದ ಕಥೆ ರೋಚಕವಾಗಿದೆ. ತಲೆಯಲ್ಲಿರುವ ಕನಸಿಗೆ ಪುಕ್ಕ ಕಟ್ಟಲು ಆಗುವುದಿಲ್ಲ ಎನ್ನುವ ಕಾರಣಕ್ಕೆ ಕೆಲಸ ಬಿಟ್ಟು ಹೆಂಡತಿಯಿಂದ ಐದು ಸಾವಿರ ಸಾಲ ಪಡೆದು ಕಟ್ಟಿದ ಸಂಸ್ಥೆ ಲುಪಿನ್ ಲಿಮಿಟೆಡ್.
6. *ವಡೆಲ್ಲಾದಲ್ಲಿ ಗಾಂಧಿ:*
* ಫೌಂಟನ್ ಸೋಡಾ ಮಾಡುವುದರಿಂದ ಶುರು ಮಾಡಿ 650 ಕೋಟಿಗೂ ಹೆಚ್ಚಿನ ರೆವೆನ್ಯೂ ಹೊಂದಿರುವ ಸಂಸ್ಥೆ ಕಟ್ಟಿದ ಹೆಗ್ಗಳಿಕೆ ವಾಡಿಲಾಲ್ ಅವರದ್ದು. ಪುಟಾಣಿ ಜಾಗದಲ್ಲಿ ಅತಿ ಕಡಿಮೆ ಬಂಡವಾಳದಲ್ಲಿ ಶುರು ಮಾಡಿ ದೊಡ್ಡದಾಗಿ ಬೆಳೆದು ನಿಲ್ಲುವುದಕ್ಕೆ ಈ ಫಾರ್ಮ್ಯಾಟ್ ಮಾದರಿ. ವಾಡಿಲಾಲ್ ಇಂದಿಗೆ 200ಕ್ಕೂ ಅಧಿಕ ವೆರೈಟಿ ಐಸ್ಟೀಮ್ ಹೊಂದಿದೆ. 49 ದೇಶದಲ್ಲಿ ತನ್ನ ಔಟೈಟ್ ಹೊಂದಿದೆ. ಸಣ್ಣದಾಗಿ ಶುರು ಮಾಡಬೇಕು ದೊಡ್ಡ ಚಿಂತನೆ ಹೊಂದಿರಬೇಕು ಎನ್ನುವುದಕ್ಕೆ ಇವರು ಉದಾಹರಣೆ.
7. *ತುಷಾರ್ ಜೈನ್:*
* ಮುಂಬೈನ ದಾರಿಗಳಲ್ಲಿ ಮಗನ ಜೊತೆಯಲ್ಲಿ ಬ್ಯಾಗ್ ಮಾರುತ್ತಿದ್ದ ತುಷಾರ್ ಜೈನ್ ಅವರು, 2012ರಲ್ಲಿ ‘ಹೈ ಸ್ಪಿರಿಟ್ ಕಮರ್ಷಿಯಲ್ ವೆಂಚರ್ಸ್’ ಎಂಬ ಕಂಪನಿಯನ್ನು ಸ್ಥಾಪಿಸಿದರು. ಇಂದು ಈ ಕಂಪನಿ ಬ್ಯಾಕ್‌ಪ್ಯಾಕ್‌ಗಳು ಮತ್ತು ಲಗೇಜ್ ಬ್ಯಾಗುಗಳನ್ನು ನಿರ್ಮಿಸಿ ಮಾರುವ ಪ್ರಮುಖ ಬ್ರಾಂಡ್‌ ಆಗಿದ್ದು, 250 ಕೋಟಿಗೂ ಅಧಿಕ ಟರ್ನ್‌ಓವರ್ ಹೊಂದಿದೆ. "ತಾಳ್ಮೆ ಮತ್ತು ಶ್ರದ್ದೆ ಇದ್ದರೆ ಯಾವುದನ್ನಾದರೂ ಸಾಧಿಸಬಹುದು" ಎಂಬ ನಂಬಿಕೆಯೊಂದಿಗೆ ಅವರು ಯಶಸ್ಸಿನ ದಾರಿಯಲ್ಲಿ ಸಾಗಿದ್ದಾರೆ.
8. *ಸು ಜಿನ್* :
* ಅನಾಥ ಎನ್ನುವ ಹಣೆಪಟ್ಟಿಯೊಂದಿಗೆ ಬೆಳೆದ ಸು ಜಿನ್ ಇಂದಿಗೆ 1.2 ಬಿಲಿಯನ್ ಸಂಪತ್ತಿನ ಒಡೆಯ. ಯಾನೊಲ್ವಾ ಎನ್ನುವ ಆಪ್ ತೆಗೆಯುವುದಕ್ಕೆ ಮುಂಚೆ ಹೋಟೆಲ್ನಲ್ಲಿ ಕಸ ಗುಡಿಸುವ ಕೆಲಸ ಕೂಡ ಇವರು ಮಾಡಿದ್ದರು. ಇಂದಿಗೆ ಇವರ ವಯಸ್ಸು 451 ಯಾನೊಲ್ವಾ ಎಂದರೆ ಹೇ ಲೆಟ್ಸ್ ಪ್ಲ ಎಂದರ್ಥ. ಹಾಸ್ಪಿಟಾಲಿಟಿ ವಲಯದಲ್ಲಿ ಇವರದ್ದು ದೊಡ್ಡ ಹೆಸರು. ಸೌತ್ ಕೊರಿಯಾದ 26ನೇ ಅತಿದೊಡ್ಡ ಶ್ರೀಮಂತ ಎನ್ನುವ ಶ್ರೇಯಸ್ಸಿಗೆ ಈತ ಭಾಜನರು.
9. *ಫ್ಯಾಬಿಯಾನ್* :
* ಅಮೆರಿಕಾದ ಪಿಟ್ಸ್‌ಬರ್ಗ್‌ನಲ್ಲಿರುವ ಮೆಟಾಫ್ಟ್ ಎನ್ನುವ ಗೇಮಿಂಗ್ ಆಪ್‌ನ ಸಂಸ್ಥಾಪಕರಿವರು. ಅಮೇರಿಕಾದ ಪ್ರಜೆಗಳಿಗೆ ದತ್ತು ಪುತ್ರನಾಗಿ ಬಂದ ಇವರು, ಶಾಲೆಯಿಂದ ಹೊರಬಿದ್ದು, 20ಕ್ಕೆ ಅಪ್ಪನಾಗಿ, ಮಗುವಿಗೆ ಡೈಪರ್ ಕೊಳ್ಳಲು, ಹಾಲು ಕೊಳ್ಳಲು ಹಣವಿಲ್ಲದಾಗ ಸೂಪರ್ ಮಾರ್ಕೆಟ್‌ನಿಂದ ಕದಿಯುತ್ತಿದ್ದೆ ಎಂದು ಹೇಳಿಕೊಂಡಿದ್ದಾರೆ. ಇಂದಿಗೆ ಇವರ ಸಂಸ್ಥೆ 105 ಮಿಲಿಯನ್ ಮೌಲ್ಯವನ್ನು ಹೊಂದಿದೆ.
10. *ಗುಚ್ಚಿಯೋ ಗುಚ್ಚಿ:*
* ಗುಚ್ಚಿ (GUCCI) ಬ್ಯಾಂಡ್ ಇಂದು ಕೇಳದವರಿಲ್ಲ. ಇದನ್ನು ಹುಟ್ಟುಹಾಕಿದ ಗುಚ್ಚಿಯೋ ಗುಚ್ಚಿ ಹೋಟೆಲ್ ಲಿಫ್ಟ್ ಒಂದರಲ್ಲಿ ಲಿಫ್ಟ್ ಬಾಯ್ ಆಗಿ ಕೆಲಸ ಮಾಡುತ್ತಿದ್ದರು. ಇಂದಿಗೆ ಗುಚ್ಚಿ ರೆವೆನ್ಯೂ ಹತ್ತಿರತ್ತಿರ 10 ಬಿಲಿಯನ್ ಡಾಲರ್.ಕೂಡ ಬಹಳ ಸರಳ, ಹಣವಿಲ್ಲ, ಬಾಹ್ಯ ಬೆಂಬಲವಿಲ್ಲ, ಕುಟುಂಬದ ಬಲವಿಲ್ಲ ಎಂದು ಗೊಣಗುವುದು ಬೇಡ ಎನ್ನುವುದು. ನಮ್ಮ ಅದೃಷ್ಟದ ಹರಿಕಾರರು ನಾವೇ ಎನ್ನುವುದು ಮನನವಾಗಲಿ ಎನ್ನುವುದು.
ಈ ಮಟ್ಟದ ಯಶಸ್ಸು ಕಾಣದ ಆದರೆ ಬದುಕನ್ನು ಬಂಗಾರ ಮಾಡಿಕೊಂಡ ಅನಾಮಧೇಯ ಸಾಧಕರ ಪಟ್ಟಿ ಬಹಳ ದೊಡ್ಡದಿದೆ. ನಮ್ಮನ್ನು ನಮ್ಮ ಯಶಸ್ಸಿನಿಂದ ದೂರ ಇಟ್ಟಿರುವುದು ನಮ್ಮ ಆಲೋಚನೆ, ನಮ್ಮ ಮನಸ್ಥಿತಿ
ನಮ್ಮ ನಡುವಿನ ಜನರನ್ನು ನೋಡುತ್ತಾ ಹೋದರೆ ಸಾಕು ಇಂತಹ ಸಾಧಕರ ಪಟ್ಟಿ ಸಾವಿರ ಸಿಗುತ್ತದೆ. ಇವರೆಲ್ಲರಲ್ಲೂ ಒಂದು ಸಾಮಾನ್ಯ ಅಂಶವಿದೆ. ಇವರೆಲ್ಲರೂ ಸೆಲ್ಫ್ ಮೇಡ್! ಯಾರಿಗೂ ಹಣದ ಬಲವಿರಲಿಲ್ಲ. ಗಾಡ್ ಫಾದರ್ ಇರಲಿಲ್ಲ. ಕೇವಲ ತಮ್ಮ ಕನಸು, ಐಡಿಯಾ, ತಾಳ್ಮೆ, ಛಲದಿಂದ ಜಗತ್ತಿನಲ್ಲಿ ತ್ರಿವಿಕ್ರಮರಾಗಿ ಬೆಳೆದು ನಿಂತವರಿವರು. ಇವರನ್ನು ಇಲ್ಲಿ ಹೆಸರಿಸುವ ಉದ್ದೇಶ.
*ಪರಸ್ಪರ ನಿರಂತರ*